Imikino

AMAFOTO 300:Rayon Sports WFC yanganyije n’Indahangarwa WFC, isoza imikino ibanza idatsinzwe

Ikipe ya Rayon Sports y’abagore yanganyije n’Indahangarwa WFC 2-2 mu mukino usoza icyiciro kibanza cya Shampiyona y’abagore mu cyiciro cya kabiri, bituma isoza idatsinzwe na rimwe.

Hari mu mukino wabaye kuri uyu wa Gatandatu tariki 14 Mutarama 2022 i Rwinkwavu guhera saa munani z’amanywa.

Mbere yo guhura, aya makipe yombi yari ataratsindwa na rimwe ndetse yombi yari ahuje agahigo ko kuba yari itarinjizwa igitego na kimwe mu izamu.

Ku munota wa 45 Uwiringiyima Rosine bahimba Mbappe yafunguye amazamu ku ruhande rwa Rayon Sports WFC, igice cya mbere kirangira ari 1-0.

Ku munota wa 50, Umunezero Aline yishyuriye Indahangarwa , aba n’umukinnyi wa mbere wari winjije igitego mu izamu rya Rayon Sports WFC.

Imanizabayo Florence yatsindiye Rayon Sports igitego cya kabiri ariko kiza kwishyurwa umukino ugiye kurangira na Uwiduhaye Jeannette wacyinjije ku munota wa 89, umukino urangira ari 2-2.

Niwo mukino wonyine Rayon Sports WFC inganyije, byatumye isoza icyiciro cy’imikino ibanza ifite amanota 16 kuri 18. Izigamye ibitego 42. Indahangarwa nazo zifite amanota 16 ariko zo zizigamye ibitego 23 .

Imanizabayo ayoboye abamaze gutsinda ibitego byinshi kuko amaze gutsinda 17.

Imikino yo kwishyura muri iki cyiciro cya kabiri muri Shampiyona y’abagore biteganyijwe ko izatangira tariki 4 Gashyantare 2023.


11 Indahangarwa FC babanje mu kibuga

11 Rayon Sports WFC yabanje mu kibuga

Mutarambirwa Eric umutoza mukuru w’Indahangarwa

Niyoyita Alice umutoza wungirije w’Indahangarwa akaba na Team manager wayo


Team manager wa Rayon Sports WFC

Bampire Josiane , myugariro uyobora abandi mu ikipe y’Indahangarwa

Sifa mu kazi


Uwamaliya Diane bahimba O’zil ukina mu kibuga hagati

Imanizabayo Florence bahimba Fofo

Nonde yabwiraga abakinnyi be uko bitwara, umunyezamu w’Indahangarwa na we aza kumviraho ngo amenye ikibategereje

Nonde, umutoza mukuru wa Rayon Sports WFC

Uwase Benigne ukina hagati mu kibuga afasha ba myugariro

Umuhoza Pascaline bahimba Cazola


Mushimiyimana Marie Claire , Kapiteni w’Indahangarwa ...akina ku ruhande rw’i buryo rwugarira

Harimo ihangana rikomeye cyane

Uko Uwiringiyima Rosine bahimba Mbappe yinjije igitego cya mbere cya Rayon Sports WFC



Izere Jovia bahimba Messi. Ni umwe mu bitwaye neza cyane muri uyu mukino

Valentine, myugariro w’i buryo wa Rayon Sports


Indahangarwa bishimira igitego cya mbere ari nacyo cya mbere cyinjiye mu izamu rya Rayon Sports WFC kuva iyi shampiyona yatangira

Umunezero Aline niwe winjije igitego bwa mbere mu izamu rya Rayon Sports WFC kuva yatangira gukina Shampiyona y’icyiciro cya kabiri

Umuhoza Angelique bahimba Rutsiro kuko ariho avuka

Fofo yishimira igitego cya kabiri

Jean Paul utwara Rayon Sports sinzi aho yeguye Camera, yishimira iki gitego muri ubu buryo

Abaganga ba Rayon Sports


Mukaneza Jose mu kazi

Irakiza Angelique winjiye asimbuye ku ruhande rwa Rayon Sports WFC

Mbappe yahushije iki gitego cyari cyabazwe na benshi

I buryo hari Kamali Francois, umuyobozi w’ikipe y’Indahangarwa

Abari baherekeje Rayon Sports WFC... Uwakabiri i bumoso ni Uwimana Jeanine, umunyamabangawa Rayon Sports WFC

Murego Philemon umwe mu bashinzwe umutekano muri Rayon Sports ari mu bari baherekeje ikipe y’abakobwa

Indahangarwa bishimiye cyane igitego cyo kwishyura batsinze ku munota wa 89



Abafana b’Indahangarwa bishimiye cyane kunganya na Rayon Sports WFC

Kubera gukina neza, Jovia ’Messi’, umukino urangiye hari abaje kumupfumbatiza amafaranga

PHOTO:RENZAHO CHRISTOPHE

Ahmed tawfek

Glimpse I had had of the Martians emerging from their planet, a kind glimpse I had had of the Martians emerging from the cylinder

TANGA IGITEKEREZO

Ibitekerezo