Ikipe ya APR FC yatsinze Mukura VS 1-0 mu mukino w’umunsi wa 16 wa shampiyona, wabereye i Bugesera kuri iki cyumweru tariki 22 Mutarama 2023 ifata umwanya wa kabiri ndetse ikuraho iby’uko yari imaze imyaka ibiri idatsinda Mukura VS.
Hari mu mukino wabereye mu Bugseram ukurikira uwo Bugesera FC yanganyijemo na Sunrise FC 1-1.
Mu minota 25 y’umukino, Mukura VS yakinaga ifite gahunda yo kugarira igacungira ku mipira APR FC yabaga itakaje yirinda ko abakinnyi bayo baruha hakiri kare cyane ko hanze nta n’abasimbura benshi yari ifite kuko yari ifite abakinnyi 4 basimbura barimo n’umunyezamu
Ikipe y’Ingabo yakomeje gusatira ishaka uko yamenera mu bwugarizi bwa Mukura VS. Niyibizi wari wahushije uburyo bwa mbere, yacomekewe umupira neza na Byiringiro Lague ahindukira neza atsinda igitego cya mbere ku munota wa 35.
Umukino warangiye APR FC itsinze Mukura VS igitego 1-0 ihita inafata umwanya wa kabiri ku rutonde rw’agateganyo rwa shampiyona.
Kuri iki Cyumweru kandi Etincelles FC ibifashijwemo na Gédéon Bendeka yatsinze Rutsiro FC igitego 1-0 mu mukino wabereye kuri Stade Umuganda mu Karere ka Rubavu.
Kugeza ubu ku munsi wa 16 wa shampiyona, AS Kigali irayoboye n’amanota 33, APR FC iri ku mwanya wa kabiri n’amanota 31, inganya na Kiyovu Sports ya gatatu, Gasogi United iri ku mwanya wa kane n’amanota 29 mu gihe Rayon Sports itarakina iri ku wa gatanu n’amanota 28.
Uko imikino y’umunsi wa 16 yagenze /iteganyijwe
Ku wa Gatanu, tariki 20 Mutarama 2023
Gorilla FC 2-3 Police FC
Ku wa Gatandatu, tariki 21 Mutarama 2023
AS Kigali 3-0 Marine FC
Espoir FC 0-1 Rwamagana City
Ku Cyumweru, tariki ya 22 Mutarama 2023
Rutsiro FC 0-1 Etincelles FC
Bugesera FC 1-1 Sunrise FC
APR FC 1-0 Mukura VS
Ku wa Kabiri, tariki 24 Mutarama 2023
Rayon Sports vs Musanze FC (Stade Muhanga, 15h00)
Ben Moussa Abdessatar, umutoza mukuru wa APR FC
Jamel Eddine Neffati wamaze kugaruka mu kazi ko gutoza muri APR FC
Pablo Morçhon
Mugabo Alexis utoza abanyezamu ba APR FC
I buryo hari Team Manager wa APR FC, Maj. Jean Paul
Umuganga wa APR FC
Havamo umwe twashira !Aba nibo basimbura Mukura VS yari yitwaje kuri uyu mukino
Ombolenga Fitina niwe wari kapiteni wa APR FC kuko Djabel Manishimwe na Prince Buregeya batakinnye uyu mukino kubera imvune bombi bafite
11 Mukura VS yabanje mu kibuga
11 APR FC yabanje mu kibuga
Lague mu kazi
Anicet wacenze cyane ikipe ya Mukura VS ndetse akigaragaza muri uyu mukino nubwo atabashije kwinjiza igitego mu buryo yagiye abona
Niyibizi Ramadhan watsinze igitego cyahesheje amanota 3 APR FC
Masabo Michel, umunyamabanga wa APR FC
Rtd Col. Ruzibiza wungirije ku buyobozi bw’abafana ba APR FC
Muhire Henry, umunyamabanga wa FERWAFA yakurikiye uyu mukino
Batashye baririmba bati "Urabeho Mukura VS, wari waratuzengereje!"
PHOTO:RENZAHO CHRISTOPHE
