Mu mukino ubanza w’igikombe cy’Amahoro ikipe ya Addax FC yo mu cyiciro cya kabiri yahoze ari Rugende FC yatsinze iya Etoile de l’Est 2-1 mu mukino wagoye amakipe yombi kubera icyondo cyari mu kibuga cya Rugende cyabereyeho uyu mukino.
Ni umukino wabaye kuri uyu wa gatatu tariki 20 Ukuboza 2023 guhera saa cyenda z’umugoroba. Mpozembizi Mohammed niwe wafunguye amazamu atsindira igitego cya mbere Addax FC igitego cya mbere ku munota wa 18. Songa Isaie yatsinze icya kabiri ku munota wa 26, amakipe yombi ajya kuruhuha ari 2-0.
Etoile de l’Est yagarutse mu gice cya kabiri ishaka kwishyura, ibona kimwe cyavuye kuri Penaliti yatsinzwe na Boris ku munota wa kabiri w’inyongera w’igice cya kabiri, umukino urangira ari 2-1.
Umukino wo kwishyura uteganyijwe kuri Stade ya Ngoma ku wa Gatatu tariki 27 Ukuboza 2023.
Amakipe yombi asuhuzanya mbere y’umukino
11 Etoile de l’Est yabanje mu kibuga:Nsabimana Jean De Dieu (GK),Harerimana Obed,Umuhire Aime, Ruzibiza Prince, Aley Olulu Missiri,Nicodeme Russel Nziengui,Serge Dunia Wansalo, Boris, Irankunda Abdoul, Hakizimana Tithy, Kanani Abubakali
11 Addax FC yabanje mu kibuga: Allan Irakoze, Vivien Niyonkuru, Niyibizi Emmanuel, Mpozembizi Mohammed, Niyomufasha Gaston, Rukundo Christian, Niyomugabo Fiston, Nyirinkindi Saleh, Songa Isaie, Bakamaza Justine Johanesi, Sunzu Bonheur Mende
I bumoso hari Bogota Labama, umutoza wungirije wa Addax FC, i buryo ni Ndemeye Jean Louis bahimba Fils, umutoza mukuru w’iyi kipe yahoze yitwa Rugende FC
Bakamaza Justine Johanesi bahimba Mane , rutahizamu wa Addax FC wagoye ba myugariro ba Etoile de l’Est
Mu kibuga hagati hari icyondo kivanze n’amazi y’imvura yo ku wa kabiri, byatumye amakipe yombi agorwa no gukinira mu kibuga hagati ahubwo bakagundagurana nacyo
Imama Kwaku Amapakabo, umutoza mukuru wa Etoile de l’Est wasimbuye Nshimiyimana Maurice bahimba Maso
