Mu gitondo cyo kuri uyu wa Gatanu ikipe ya APR FC yakoze imyitozo ya nyuma yitegura irushanwa rya CECAFA Kagame Cup rizatangira ku munsi w’ejo, iyi myitozo ikaba yagaragayemo abakinnyi bashya barimo Niyomugabo Claude, Ishimwe Kevin na Rwabuhihi Aime Placide.
Ni imyitozo yabereye kuri Stade Regional i Nyamirambo ari nayo izakira imikino y’itsinda C izabera i Kigali.
Niyomugabo Claude na Ishimwe Kevin bakiniraga AS Kigali na Rwabuhihi Aime Placide wa Kiyovu Sports ni bo bakinnyi bashya ba APR FC batangiye imyitozo uyu munsi bafatanya n’abandi kwitegura imikino ya CECAFA Kagame Cup izatangira ejo APR FC ikina na Proline FC yo muri Uganda.
Aba bakinnyi ntabwo batangiranye n’abandi bashya imyitozo kuko bari bakiri mu makipe yabo barimo bakina imikino y’igikombe cy’Amahoro cyarangiye ejo gitwawe na AS Kigali.
APR FC ikaba yamaze no kwemeza abakinnyi 20 izakoresha muri iyi mikino ya CECAFA Kagame.
Urutonde ry’abakinnyi 20 APR FC izakoresha mu mikino ya CECAFA Kagame Cup
Abanyezamu: Rwabugiri Umar, Ntwari Fiacre
Ba Myugariro: Manzi Thierry, Mutsinzi Ange, Rwabuhihi Aime Placide, Niyigena Clement, Omborenga Fitina, Imanishimwe Emmanuel na Niyomugabo Claude
Abakina hagati: Niyonzima Olivier Sefu, Nkomezi Alex, Mushimiyimana Mohamed, Butera Andrew, Niyonzima Ally, Ishimwe Kevin na Manishimwe Djabel
Ba rutahizamu: Sugira Ernest, Usengimana Dany, Byirinjiro Lague na Nizeyimana Djuma
