Mu rwego rwo gukomeza umubano uri hagati y’abacuruzi bo mu Karere ka Musanze ndetse n’abo mu karere ka Rubavu, kuri iki cyumweru tariki 1 Ukwakira 2023, ikipe y’abacuruzi b’i Musanze (MG FC) yakiriye inatsinda Inyange FC y’abacuruzi b’i Rubavu mu mukino wa gishuti wabereye mu Ishuri rikuru rya gisirikare rya Nyakinama.
Amakipe yombi yari yazanye amakipe abiri, imwe igizwe n’abakuze, n’indi irimo abakiri bato mu myaka. Mu bakuze ari naho higanjemo abacuruzi, MG y’i Musanze yatsinze ibitego 3-0. Imurora Japhet bahimba Drogba usanzwe ari umutoza wungirije wa Musanze FC yatsinze ibitego 2 ikindi gitsindwa na Ndagijimana Theoneste.
Mu ikipe y’abakiri bato, Inyange FC yatsinze MG y’i Musanze 2-1. Mu bakiri bato ba MG FC hakinnyemo umunyarwenya Dogiteri Nsabi. Undi munyarwenya warebye iyi mikino ni Killerman.
MG FC yashinzwe mu mwaka wa 2008, ishingwa n’abikorera bo mu Mujyi wa Musanze.
Ishingwa yitwaga RB FC (Ruhengeri business football club) nyuma ya 2019 ihinduriwa izina yitwa MG mu rwego rwo kwaguka no kudakumira abandi bashaka kwifatanya hakorwa sport ishingiye ku mupira wa maguru ariko kubatarabigize umwuga no gufasha urubyiruko rufite impano kurererwamo rukazamuka bakaya ku rwego rw’ababigize umwuga.
Ukuriye abikorera mu Karere ka Musanze akaba na Perezida w’icyubahiro wa MG FC, Habiyambere John yashimiye cyane iki gikorwa, avuga ko ari umubano bazakomeza gutsura.
11 abikorera bo mu Karere ka Musanze bagize MG FC babanje mu kibuga
11 abikorera bo mu Karere ka Rubavu bagize Inyange FC babanje mu kibuga
Safari uri mu buyobozi bwa MG FC (Visi Perezida ushinzwe imikino) yabanje gufata ifoto na Kayiranga Vianney umuyobozi w’Inyange FC akaba n’umuyobozi wungirije wa Marine FC
Rubanda Protegene, Perezida wa MG FC akina ku ruhande rw’i buryo rwugarira
Mugaragu David umunyamakuru wa RBA ni umwe mu banyamuryango b’Inyange FC
Imurora Japhet wasonze Inyange FC akanayitsinda ibitego 2
Ndagijimana Theoneste watsinze igitego cya gatatu cya MG FC. Ni Visi perezida ushinzwe ubukungu muri MG FC
Dogiteri Nsabi yishyushya hamwe na bagenzi be
Abakiri bato ba MG FC ari nabo bazamukira muri iyi kipe bagashakirwa uko bajya ku rwego rw’ababigize umwuga
Abakiri bato b’Inyange FC nibo begukanye intsinzi y’ibitego 2-1
Nsabi yinjiye mu kibuga asimbuye ajya gukina nka rutahizamu ahusha igitego cy’umutwe
Carlos utoza MG FC
Killerman na we yakurikiye iyi mikino
MG FC yakiriye abashyitsi bayo
Perezida wa MG FC atanga ikaze
Asuhuzanya na mugenzi we uyobora Inyange FC
Habiyambere John ukuriye abikorera mu karere ka Musanze akaba na Perezida w’icyubahiro wa MG FC yashimye iki gikorwa cyane avuga ko kizabafasha kurushaho kugirana imikoranire myiza
Tuyishimire Placide uyobora Musanze FC ni umwe mu bari bitabiriye iyi mikino ndetse akaba ari n’umujyanama mukuru wa MG FC
Basabanye biratinda
Umusifuzi mpuzamahanga Nsoro Ruzindana (hagati) ni umunyamuryango w’Inyange FC
Beretswe komite ngari iyobora Inyange FC
John yashimiye ingabo z’u Rwanda , RDF by’umwihariko ikigo cya Nyakinama uburyo bashyigikira Siporo bakaba babaha ahantu ho kwitoreza bakanahakirira imikino nta kiguzi babasabye. Yagaragaje ko ari agaciro gakomeye baha abikorera ku giti cyabo, asaba abari aho gufata umwanya bagashimira ingabo z’u Rwanda
PHOTO:RENZAHO CHRISTOPHE
