Byibuze abantu 174 ni bo bimaze kumenyekana ko baguye mu kavuyo kabereye ku mukino w’umupira w’amaguru muri Indonesia.
Iyi nsanganya yabaye nyuma y’uko polisi yakoresheje imyuka iryana mu maso iyitera mu bana. Abagera ku 180 bakomeretse ubwo Arema FC yari imaze gutsindwa n’umukeba wayo Persebaya Surabaya mur East Java.
Amakuru yatanzwe mbere yavugaga ko abapfuye bagera ku 130 ariko nyuma hemezwa 174.
Minisitiri w’umutekano muri Indonesia yavuze ko umubare w’abafana wari warenze ubushobozi bwa stade ubusanzwe yakira abagera ku 4000.
Perezida Joko Widodo yategetse ko imikino yose yo mu cyiciro cya mbere muri Indonesia iba ihagararitswe kugeza hamaze gukorwa iperereza.
Amashusho yagiye hanze agaragaza abafana birukira mu kibuga nyuma y’ifirimbi ya nyuma mbere y’uko polisi yifashisha ibyuka biryani mu maso mu rwego rwo kubahagarika.
Ubusanzwe, FIFA ntiyemerera abashinzwe umutekano ku kibuga cyangwa polisi gukoresha ibyuka biryana mu maso ku mikino.
