Ikipe y’Abarinda umutekano wa Perezida Paul Kagame n’abandi bayobozi bakuru b’igihugu ’Republican Guard Rwanda’ (RG) yanyagiye iy’abasirikare bo mu kirere (Rwanda Air Force) ibitego 7-0 mu mukino wa kabiri wo mu itsinda w’Irushanwa ryo Kwibohora “Liberation Cup Tournament”.
Uyu mukino wabaye ku wa Gatanu, tariki 22 Mata 2024 ku kibuga cy’i Shyorongi.
Wari umukino wa kabiri ku makipe yombi. Yombi rari mu itsinda rya kabiri hamwe na Division ya kane ndetse na Gen. Headquarter.
Mu gice cya mbere, ikipe ya Repg. Guard yatsinze ibitego 3 byatsinzwe na Ndagijimana Pierre wafunguye amazamu, Bizimana Theoneste bahimba Madjidi, Gakimu Theoneste. Mu gice cya kabiri, ibindi bitego byatsinzwe na Sibomana Olivier, Shyaka James bahimba Matic, Muhire Faustin na Shema Mike.
Rep. Guard Rwanda izakurikizaho kwakira umukino uzayihuza na Division ya 4.
11 Rep. Guard Rwanda yabanje mu kibuga
Babanje gufata ifoto n’umuyobozi w’imikino muri Rep. Guard Rwanda, Major Kabera
Abakinnyi Air Force yabanje mu kibuga bafata ifoto n’abayobozi babo
Ndagijimana Pierre witwaye neza muri uyu mukino nk’uko asanzwe abigenza, akanafungura amazamu
Umusifuzi Celestin niwe wayoboye uyu mukino
Muhire wakinnye neza mu kibuga hagati akanatsinda igitego cyiza cyane muri uyu mukino
Madjidi watsinze igitego cya kabiri
Gakimu, kapiteni wa Rep. Guard Rwanda niwe watsinze igitego cya gatatu
Gasana, umutoza wungirije wa Rep. Guard Rwanda yishimira uko abasore be bari bari kwitwara
Thierry Hitimana utoza Rep. Guard Rwanda
Mukombozi, umwe mu bakinnyi Rwanda Air Force igenderaho ndetse akaba ari umwe mu bakinnye igihe kinini iyi mikino ya gisirikare
Sibomana Olivier watsinze Penaliti nyuma yo gucenga ba myugariro bose ba Air Force , yatera mu izamu umukinnyi wayo akawufatisha intoki, Olivier akinjiza penaliti neza cyane
Ikipe ya Rep. Guard iba ishyigikiwe cyane
Shyaka James bahimba Matic watsinze igitego cyiza ku ishoti rikomeye yatereye inyuma y’urubuga rw’amahina
Iranzi ukina ku ruhande rw’i buryo rusatira izamu
Byari ibyishimo byinshi haba ku bakinnyi, staff ndetse n’abari baje gushyigikiara ikipe ya Rep. Guard Rwanda
PHOTO:RENZAHO CHRISTOPHE
