Umutoza mpuzamahanga Hitimana Thierry yamaze kugirwa umutoza mukuru w’ikipe y’Abarinda umutekano wa Perezida Paul Kagame n’abandi bayobozi bakuru b’igihugu ’Republican Guard Rwanda’ (RG) ikomeje kwitegura irushanwa rya gisirikare ry’igikombe cyo kwibohora (Liberation Cup Tournament) ku nshuro ya 30.
Ni imyitozo bakomeje gukorera i Nyamirambo bitegura umukino ubanza uzabahuza n’ikipe y’abasirikare bo ku cyicaro gikuru (Gen. Headquarter) uteganyijwe kuri uyu wa Gatanu tariki 19 Mata 2024.
Tariki 3 Nyakanga 2023 nibwo ikipe y’Abarinda umutekano wa Perezida Paul Kagame n’abandi bayobozi bakuru b’igihugu ’Republican Guard Rwanda’ (RG) yatsinze iya Task Force 1-0, yegukana igikombe cy’irushanwa ryo kwibohora , Liberation Cup cyari gikinwe ku nshuro ya mbere.
’Republican Guard Rwanda’ (RG) iri mu itsinda rimwe na Rwanda Air Force, Gen. Headquarter na Division 4.
Hitimana Thierry wagizwe umutoza w’iyi kipe yatoje amakipe atandukanye yo muri Tanzania arimo KMC , Namungo na Simba yanyanywemo n’umufaransa Didier Gomes da Rosa bigeze no gukorana mu ikipe ya Rayon Sports yo mu Rwanda.
Thierry Hitimana niwe mutoza mushya w’ikipe y’Abarinda umutekano wa Perezida Paul Kagame n’abandi bayobozi bakuru b’igihugu ’Republican Guard Rwanda’ (RG)
Gasana, umutoza wungirije muri ’Republican Guard Rwanda’ (RG)
Major Kabera ukuriye iyi kipe ya ’Republican Guard Rwanda’ ni umwe mu bayiba hafi igihe cyose ndetse akanakurikirana imyitozo yayo
PHOTO:RENZAHO CHRISTOPHE
