Ikipe y’Abarinda umutekano wa Perezida Paul Kagame n’abandi bayobozi bakuru b’igihugu ’Republican Guard Rwanda’ (RG) yatangiye gukorera imyitozo kuri Kigali Pele Stadium yitegura irushanwa rya gisirikare ry’igikombe cyo kwibohora (Liberation Cup Tournament) ku nshuro ya 30.
Ni irushanwa riteganyijwe mu kwezi kwa Mata uyu mwaka. Imyitozo yo kwitegura iri rushanwa, abagize ’Republican Guard Rwanda’ (RG) bari kuyikorera muri Kigali Pele Stadium kuko ariho bazajya bakirira imikino.
Tariki 3 Nyakanga 2023 nibwo ikipe y’Abarinda umutekano wa Perezida Paul Kagame n’abandi bayobozi bakuru b’igihugu ’Republican Guard Rwanda’ (RG) yatsinze iya Task Force 1-0, yegukana igikombe cy’irushanwa ryo kwibohora , Liberation Cup cyari gikinwe ku nshuro ya mbere.
’Republican Guard Rwanda’ (RG) iri mu itsinda rimwe na Rwanda Air Force, Gen. Headquarter na Division 4. Ni irushanwa riteganyijwe gutangira tariki 15 Mata 2024.
PHOTO:RENZAHO CHRISTOPHE
