Kiyovu Sports yatsinze Police FC ibitego 2-1 maze iyi kipe y’abashinzwe umutekano yuzuza imikino 8 muri shampiyona idatsinda.
Police FC yari itaratsinda umukino n’umwe kuva imikino yo kwishyura ya 2023-24, yari yasuye Police FC mu mukino w’umunsi wa 23.
Hakiri kare ku munota wa 3, Ndizeye Eric yatsindiye Kiyovu Sports ku mupira wari uvuye muri koruneri.
Ku munota wa 9, Leku Alfred yabonye umupira mwiza mu rubuga rw’amahina ariko ateye mu izamu umunyezamu wa Police FC, Rukundo Onesime awushyira muri koruneri itagize icyo itanga.
Hakizimana Muhadjiri yaje kubona kufura ayiteye Patrick na we ayishyira muri koruneri.
Ku mupira wazamukanywe neza Nshuti Dominique Savio, Djibrine Akuki yishyuriye Police FC ku munota wa 41. Amakipe yombi yagiye kuruhuka ari 1-1.
Ku makosa y’ubwugarizi bwa Police FC, Leku Alfred yatsindiye Kiyovu Sports igitego cya kabiri.
Kiyovu Sports wabonaga iri mu mukino neza, yabonye andi mahirwe ariko abakinnyi barimo Kilongozi bagorwa no kuyabyazaa umusaruro. Umukino warangiye ari 2-1.
Undi mukino w’umunsi wa 23 wabaye, Etoile del’Est yatsinze AS Kigali 1-0.
Gahunda y’umunsi wa 23
Ku wa Gatanu tariki ya 1 Werurwe 2024
AS Kigali 0-1 Etoile del’Est
Kiyovu Sports Police FC
Ku wa Gatandatu tariki ya 2 Werurwe 2024
Bugesera FC vs Mukura VS
Gorilla FC vs Amagaju FC
APR FC vs Etincelles FC
Musanze FC vs Rwamagana City
Ku Cyumweru tariki ya 3 Werurwe 2024
Gasogi United vs Marines FC
Sunrise FC vs Rayon Sports
