UCL: Monaco yasezereye Manchester City, Guardiola yandika amateka atarigeze amubaho

Ikipe ya Monaco yari yatsinzwe mu mukino ubanza wa 1/8 na Manchester City 5-3, yishyuye ibi bitego ndetse inayisezerera mu irushanwa ry’amakipe yabaye aya mbere iwayo ku mugabane w’i Burayi.

Wari umukino wo kwishyura wabereye kuri Stade Stade Louis II mu ijoro ryo kuri uyu wa gatatu tariki 15 Werurwe 2017 . Monaco yasabwaga gutsinda ibitego 2-0 yakinnye idafite Falcao wari watsinze ibitego 2 muri 3 bari batsindiye mu Bwongereza.

Ku munota wa 7 nibwo Umufaransa Kylian Mbappe Lottin w’imyaka 18 yari agiye gutsinda igitego cya mbere ariko nyezamu Wilfredo Caballero awukuramo awushyira muri koloneri. Ku munota wa 8, ku mupira yari ahawe na Bernardo Silva, Kylian Mbappe Lottin yatsinze igitego cya mbere.

Ikipe ya Monaco yakomeje kurusha cyane ikipe ya Manchester City kugeza ku munota wa 29 ubwo Fabinho yatsindaga igitego cya 2 ku mupira yari aherejwe na Benjamin Mendy. Igice cya mbere cyarangiye ari ibitego 2 bya Monaco mu mashoti 4 agana mu izamu bari bateye mu gihe ikipe ya Manchester City yarangije igice cya mbere nta shoti ryavamo igitego bateye mu izamu.

Igice cya 2 cyatangiye Manchester City isatira izamu rya Monaco cyane ndetse ku munota wa 63 nuwa 64 rutahizamu Sergio Aguero yahushije ibitego 2 byari byabazwe. Ku munota wa 71 nibwo Manchester City yabonye igitego gitsinzwe na Leroy Sane. Kugeza ubwo byari bimaze kuba 6 bya Manchester City kuri 5 bya Monaco. Manchester City yari itangiye kwizera gukomeza, icyizere cyayo cyayoyotse ku munota wa 77 ubwo Tiemoue Bakayoko yatsindiraga Monaco igitego cya 3. Igiteranyo cy’ibitego cyabaye 6-6 ariko Monaco ikomeza kubera ibitego byinshi yatsinze mu mukino ubanza.

Nibwo bwa mbere umutoza Pep Guardiola utoza Manchester City aviriyemo muri 1/8 cy’irangiza mu irushanwa rya UEFA Champions League kuva yatangira gutoza kuko ahafi yagiye agarukira ari muri 1/2.

Ibigwi bya Pep Guardiola muri Uefa Champions League n’aho yagiye agarukira atoza Barcelona , FC Bayern Munich na Manchester City yandikiyemo amateka mashya

Barcelona
2009 : Yatwaye igikombe
2010 : Yagarukiye muri kimwe cya kabiri
2011 : Yatwaye igikombe
2012 : Yagarukiye muri kimwe cya kabiri

FC Bayern Munich
2014 : Yagarukiye muri kimwe cya kabiri
2015 : Yagarukiye muri kimwe cya kabiri
2016 : Yagarukiye muri kimwe cya kabiri

Manchester City
2017 : Yaviriyemo muri kimwe cya munani

Mu wundi mukino Atletico Madrid yanganyije 0 - 0 na Bayer Leverkusen, Atletico ikomeza ku kinyuranyo cy’ibitego 4-2.

Amakipe yose yabone tike ya 1/4 ni : Barcelona, Real Madrid, Bayern Munich, Juventus, Borussia Dortmund , Leicester, Monaco na Atletico Madrid. Tombola y’uko aya makipe azahura iteganyijwe kuri uyu wa gatanu tariki 17 Werurwe 2047.

Abafana ba Monaco bari baje gushyikira ikipe yabo ari benshi

Habura nk’isaha ngo umukino utangira nibwo byamenyekanye ko Falcao (wambaye kaluvati) atari bukine uyu mukino

Ku munota wa 8 gusa Kylian Mbappe yatsinze icya mbere cya Monaco

Mbappe (wazamuye amaboko) yishimira igitego

Bishimira igitego cya Kylian Mbappe Lottin

Fabinho atsinda igitego cya 2

Fabinho yishimira igitego

Bimaze kuba 2-0 mu minota 29 y’igice cya mbere, Aguero ntiyumvaga neza ibiri kubabaho

Ku rundi ruhande bagenzi be bari bayobowe na David Silva wari Kapiteni bari bumiwe

Ku mutoza Guardiola kari agahinda gusa

Aguero yagiye abona uburyo bwinshi bwavamo ibitego ariko akabuhusha

Hari aho byageraga abakinnyi ba Monaco bakamuzenguruka

Sane yishimira igitego rukumbi Manchester City yatsinze muri uyu mukino

Bakayoko ni uku yatsinze igitego cya 3 cya Monaco

Bakayoko yishimira igitego cyasezereye Manchester City

Nibwo bwa mbere umutoza Pep Guardiola aviriyemo muri 1/8 cya UEFA Champions League

IZINDI NKURU
Ibitekerezo(1)
  • ######

    nanje ndaryohew kub atsiz

    - 3/02/2019 - 22:02
Tanga Igitekerezo