Rayon Sports izaba iherereye mu itsinda D mu irushanwa rya Total CAF Confederation Cup aho yatombye amakipe 2 yo muri aka Karere.
Rayon Sports iri mu itsinda D ririmo amakipe:Young Africans yo muri Tanzania, Gor Mahia yo muri Kenya na USM Alger yo muri Algeria.
Hari mu muhango wabaye kuri uyu wa Gatandatu tariki 21 Mata 2018 i Cairo mu Misiri guhera ku isaha ya saa munani.
Rayon Sports izatangira yakira Gor Mahia mu Rwanda mu mukino ubanza uzakinwa ku wa 6 Gicurasi 2018. Tariki 16 Kanama 2018 Rayon Sports izakina na Young Africans muri Tanzania.
Iyi mikino izasubikwa hakinwa Igikombe cy’Isi kizabera mu Burusiya kuva ku wa 14 Kamena kugeza ku wa 15 Nyakanga 2018, yongere gusubukurwa kugeza muri Kanama; biteganyijwe ko amakipe abiri azakomeza muri ¼ azamenyekana bitarenze Nzeri 2018.
Rayon Sports kugera mu matsinda byayihesheje ibihumbi 275 by’amadorali ya Amerika (asaga miliyoni 235 Frw).
Aya ni nayo mafaranga ahabwa ikipe isezerewe mu matsinda ari iya gatatu mu gihe ebyiri za mbere zijya muri ¼ . Ikipe zisezerewe muri ¼ zitahana ibihumbi 350 $ (akabakaba miliyoni 299 Frw), izisezerewe muri ½ zihabwa ibihumbi 450 $ (akabakaba miliyoni 385 Frw). Ikipe itsindiwe ku mukino wa nyuma ihabwa ibihumbi 625 $ akabakaba miliyoni 535 Frw naho itwaye igikombe igahabwa 1,250,000 $ (asaga miliyali imwe na miliyoni 70 Frw).
Uko amakipe yatomboranye
Uko imikino ya Rayon Sports yo mu matsinda ipanze:
Tariki 06 Gicurasi 2018: Rayon Sports vs Gor Mahia
Tariki 16 Gicurasi 2018 : Young Africans vs Rayon Sports
Tariki 18 Nyakanga 2018: Rayon Sport vs USM Alger
Tariki 29 Nyakanga 2018: USM Alger vs Rayon Sports
Tariki19 Kanama 2018: Gor Mahia vs Rayon Sports
Tariki29 Kanama 2018: Rayon Sports vs Young Africans
######
Ndayifuriza amahirwe gusa gusa