Sadio Mane ubwo yari ahanganye na Riyad Mahrez mu mukino uheruka guhuza aya makipe
Iyi ni ikipe yageze muri kimwe cya kane cy’igikombe cy’isi, ni ikipe ikomeye ariko itarambikwa ikamba rya Afurika. Uyu munsi irabigerageza ihanganye na Algeria.
Mu 2002 nibwo gusa yageze ku mukino wa nyuma w’iki gikombe ubwo yatsindwaga na Cameroun, Aliou Cisse uyitoza ubu icyo gihe yahushije penaliti yari gutuma ibintu bihinduka.
Algeria yo imaze gukina imikino ya nyuma y’iki gikombe inshuro ebyiri, yatsinzwe na Nigeria mu 1980 ibasha gutsinda mu 1990.
Mane yatanga umudari wa Champions League ariko akabona CAN
Sadio Mane wa Senegal avuga ko yakwemera gutanga umudari w’igikombe cya UEFA Champions League aheruka gutwara ariko bagatsinda uyu umukino wa nyuma w’igikombe cya Afurika bakina none.
Senegal irahatana na Algeria kuri uyu wa gatanu saa mbili z’ijoro ku isaha y’i Cairo ari nayo y’i Cendajuru muri Cankuzo i Burundi n’i Cyendajuru ya Rusizi mu Rwanda.
Sadio Mane yafashije Liverpool gutsinda Tottenham ku mukino wa nyuma wa Champions League mu kwezi gushize, mu gikombe cya Afurika ubu amaze gutsindira ikipe ya Les Lions de la Teranga ibitego bitatu.
Yabwiye BBC Sport ati: "Rwose n’uyu munsi naba niteguye kugurana uwo mudari intsinzi. Gusa yenda ntabwo bikenewe mu gihe tuza gutsinda".
Mane w’imyaka 27, avuga ko biza kuba bikomeye ariko kandi ari ibintu bisanzwe, ko ari umupira w’amaguru.
Ati: "Algeria ni ikipe ikomeye, ariko ubu niteguye cyane guhangana nayo no gutsinda".
Sadio Mane yafashije Liverpool gutsinda Tottenham ku mukino wa nyuma wa Champions League mu kwezi gushize, mu gikombe cya Afurika ubu amaze gutsindira ikipe ya Les Lions de la Teranga ibitego bitatu.
Yabwiye BBC Sport ati: "Rwose n’uyu munsi naba niteguye kugurana uwo mudari intsinzi. Gusa yenda ntabwo bikenewe mu gihe tuza gutsinda".
Mane w’imyaka 27, avuga ko biza kuba bikomeye ariko kandi ari ibintu bisanzwe, ko ari umupira w’amaguru.
Ati: "Algeria ni ikipe ikomeye, ariko ubu niteguye cyane guhangana nayo no gutsinda".
Algeria irashaka ibyo idaheruka
Djamel Belmadi, umutoza wa Algeria, avuga ko yiteguye guhangana agaha ikipe ya Le Fenecs igikombe idaheruka.
Yagize ati: "Ku baturage ba Algeria, ndashaka kubabwira nti: "Ntabwo ndi umunyapolitiki, umuntu ukora ibitangaza cyangwa umurozi".
"Ariko turaza guhatana nk’uko twabikoze kugera hano".
Djamel Belmadi, umutoza wa Algeria, avuga ko yiteguye guhangana agaha ikipe ya Le Fenecs igikombe idaheruka.
Yagize ati: "Ku baturage ba Algeria, ndashaka kubabwira nti: "Ntabwo ndi umunyapolitiki, umuntu ukora ibitangaza cyangwa umurozi".
"Ariko turaza guhatana nk’uko twabikoze kugera hano".
Senegal na Algeria byahuriye mu matsinda, Algeria, iheruka iki gikombe mu 1990, itsinda Senegal 1 - 0.
Amakuru akomeye mu ikipe ni uko myugariro ukomeye Kalidou Koulibaly wa Senegal adakina uyu mukino kubera amakarita abiri y’umuhondo yabonye mu mikino ibiri iheruka.
Abatoza Aliou Cisse wa Senegal na Belmadi wa Algeria bombi bakiniye aya makipe y’ibihugu byabo mu myaka ya 2000.
Mahrez v Mane?
Uyu mukino urahuza aba bakinnyi bari mu bakomeye cyane muri shampiyona y’Ubwongereza.
Kapiteni wa Algeria Riyad Karim Mahrez yatwaye igikombe cya shampiyona gishize mu Bwongereza naho Sadio Mane atwara icya Champions Ligue ari kumwe na Liverpool.
Bombi muri iyi CAN bafite ibitego bitatu, nubwo Mane we yanahushije penaliti ebyiri muri iri rushanwa.
Sadio Mane yabwiye BBC ko azi neza ko Algeria ikomeye kandi irimo abakinnyi beza nka Mahrez, ko umukino wabo uza kuba ari injyanamuntu.
BBC
