Ikipe ya Rayon Sports yatsinze Gicumbi ibitego 3-0 mu mukino w’umunsi wa kane , Manishimwe Djabel agwa igihumure nyuma yo kugongana na Ahishakiye Nabil wa Gicumbi FC.
Ikipe ya Rayon Sports niyo yakiriye uyu mukino kuri Stade ya Kigali i Nyamirambo. Michael Sarpong waherukaga gutsinda igitego ku mukino wa Sunrise FC ndetse akanakorerwaho Penaliti, yafashije Rayon Sports gutsinda umukino wayo wa gatatu muri iyi Shampiona, mu mukino wahagaze iminota icyenda kubera impanuka ya Manishimwe Djabel mu gice cya mbere cy’umukino.
Rayon Sports yafunguye amazamu ku munota wa gatatu w’umukino, igitego cyatsinzwe na Michael Sarpong ku mupira wari uturutse kuri Manishimwe Djabel awuha Iradukunda Eric Radu, yaje guhita awuhindura mu izamu maze Sarpong atsindira Rayon Sports igitego cya mbere.
Ku munota wa 14 w’umukino, Manishimwe Djabel yatsindiye Rayon Sports igitego cya kabiri kuri Coup-Franc, igitego yahise atura umukunzi we yari yaraye yambitse impeta amusaba ko bazarushingana mu minsi iri imbere.
Ku munota wa 30, Michael Salpong yatsindiye Rayon Sports igitego cya gatatu, igice cya mbere n’umukino muri rusange birangira ari ibitego 3-0 bya Rayon Sports.
Ubwo igice cya mbere cyari hafi kurangira, Michael Sarpong yahinduye umupira mu rubuga rw’amahina, Manishimwe Djabel agiye kuwutera agongana na Ahishakiye Nabil, umukinnyi wa Gicumbi baragwa, Djabel asa nk’umize ururimi byahise bituma guhumeka byanga,ku bw’amahirwe abaganga b’amamkipe yombi ndetse n’abo muri Ambulance baratabara, bamwitaho, nyuma y’iminota nka 20 yongera kugarura ubwenge ndetse atangira no kuvuga, ubu akaba yongeye kumera neza.
Uko indi mikino y’umunsi wa kane wa shampiyona yagenze
Kirehe FC 2-2 AS Muhanga
Marines FC 0-2 APR FC SC
Musanze FC 2-1 Espoir FC
Amagaju FC 1-2 Police FC
Kiyovu Sports 0-1 Mukura VS
AS Kigali 0-2 Etincelles FC
Bugesera FC 1-1 Sunrise FC
Urutonde rw’agateganyo
Sarpong umaze kugira ibitego 3 mu mikino 2
Uko Sarpong yatsinze igitego cya 2
Ibitego byagiyemo hakiri kare, abafana ba Rayon Sports babyinira ku rukoma..aba ni abagize Gikundiro Forever Group
Vision Fan Club
Bamwe mu bayobozi ba za Fan Clubs : Uhereye i bumoso hari Karenzi Emmanuel uyobora Blue Family Fan Club, Murego Philemon uyobora Ijwi ry’Abarayon na Gentil uyobora Intwali Fan Club
Ahishakiye Nabil wahoze mu bakiri bato ba Rayon Sports ariko iza kumurekura ajya muri Gicumbi FC
Mbere yo kugirira impanuka mu kibuga, Djabel yakinaga neza cyane
Djabel amaze kwinjiza coup franc
Uko byagenze ngo Djabel ate ubwenge
Djabel bahise bamuhungiza
Mudeyi Suleiman wakinnye umukino we wa mbere muri Rayon Sports
Bamwe mu basifuzi bo mu cyiciro cya mbere barebye uyu mukino
Muhirwa Freddy, Visi Perezida wa Rayon Sports
Muhire Jean Paul, umubitsi wa Rayon Sports
Kazimbaya Ndagano Faridjallah, Umuyobozi wa Azam TV Rwanda
Dukuzumuremyi Antoine, Umunyamabanga wa Gicumbi FC
Mugabo Justin, umujyanama wa Komite mu bijyanye n’itangazamakuru
Muhawenimana Claude , Perezida w’abafana ba Rayon Sports
Manzi Thierry mu kazi
Mugisha Gilbert na Mugisha Francois Master barebaga uko bagenzi babo bitwara mu kibuga
Caleb wabonye umutuku ku mukino wa Sunrise FC yarebeye muri Stade
Habuze gato ngo Kevin atsinde icya 4
Kamayirese Jean D’Amour (i bumoso) ukuriye imyinjirize muri Stade ku mikino Rayon Sports yakiriye... Iruhande rwe hari Ishimwe Prince ushinzwe ’Protocole’ ku mikino Rayon Sports yakiriye
Ubwugarizi bwa Gicumbi bwakomeje kwihagararaho ngo hatajyamo icya 4
Rutanga yari yagarutse mu kibuga nyuma yo gukiruka uburwayi...Yinjiye asimbuye Irambona
Sarpong Michael agize ibitego 3 anganya na Muhadjili ndetse na Byiringiro Lague
######
djambere nukwihangana akakinira amavubi amezeneza saw murakoz
Umukunzi
Mugira neza mukatugezaho amakuru y’imikino yakinywe ,ariko mujye mutugezaho n’abakinnyi babanje mu kibuga n’uko basimburanye. N’uko batsinze ibitego na assists zabyo .bituma nkatwe tutageze Ku kibuga tumenya uko amakipe yacu ahagaze n’abakinnyi bayo.
Murakoze