Ikipe Rayon Sports yaraye mu karere ka Rusizi aho igomba gukinira umukino w’umunsi wa gatandatu wa Shampiyona na Espoir FC ku wa Gatatu tariki 1 Ukuboza 2021.
Urugendo rwa Kigali - Rusizi, Rayon Sports yarukoze kuri uyu wa mbere tariki 29 Ugushyingo 2021.Iyi kipe yajyanye abakinnyi bayo banyuranye batarimo Hakizimana Adolphe, Steve Elo Manga, Ayoub, Prince Rudasingwa bose bafite imvune zitandukanye. Undi ni Byumvuhore Tresor bakunda kwita Wanyama utazakina uyu mukino kubera amahitamo y’abatoza.
Ndizeye Samuel na Iranzi Jean Claude ntibari kumwe na bagenzi babo i Rusizi kubera amakarita atatu y’umuhondo atabemerera gukina uyu mukino.
Ku munsi wa gatanu wa shampiyona, Rayon Sports yari yakiriyeEtoile de l’Est, iyitsinda 1-0 kuri Stade Amahoro. Espoir FC yo yari yakiriye Etincelles FC iyitsinda 1-0.
Biteganyijwe ko kuri uyu wa kabbiri tariki 30 Ugushyingo 2021 , Rayon Sports izakorera imyitozo kuri Stade ya Rusizi izaberaho umukino ku wa Gatatu
Ku rutonde rw’agateganyo rwa shampiyona, Rayon Sports iri ku mwanya wa kabiri n’amanota 10, inyuma ya AS Kigali ifite 11. Espoir FC iri ku mwanya wa 6 n’amanota 8.
Mbere yo kwinjira mu ishyamba rya Nyungwe, babanje kunanura amaguru
