Rayon Sports y’abakinnyi 10 yabashije gutsinda Marines FC 1-0 mu mukino ubanza wa 1/8 cy’igikombe cy’Amahoro cy’uyu mwaka. Ni umukino Rayon Sports yarangije ari abakinnyi 10 nyuma y’uko Manishimwe Djabel ahawe ikarita y’umutuku.
Ni umukino wakiriwe na Marines FC kuri Stade Umuganda i Rubavu kuri uyu wa Kane tariki 13 Kamena 2019.
Rayon Sports yakinnye uyu mukino idafite Niyonzima Olivier Sefu ukirwaye ndetse na Donkor Prosper wagiye iwabo muri Ghana. Yari yagaruye Jules Ulimwengu wari
naumaze utarakinnye imikino y’ijonjora ry’ibanze Rayon Sports yahuyemo na AS Kigali. Undi yari yagaruye mu kibuga ni Mugheni Kakule Fabrice witwaye neza cyane muri uyu mukino.
Marines FC yakinnye idafite abakinnyi 2 yahagaritse by’agateganyo. Abo ni Nyirinkindi Saleh na Runanira Hamza bagiranye ibiganiro na Rayon Sports batabimenyesheje ubuyobozi.
Myugariro Runanira Hamza ari ku mpera z’amasezerano ye muri Marines mu gihe Nyirinkindi Saleh wageze muri iyi kipe y’i Rubavu mu mpeshyi y’umwaka ushize, ari intizanyo ya APR FC. Bombi ntibazakina imikino yo muri iki cyumweru.
Igitego rukumbi Rayon Sports yatsinze cyatsinzwe na Jules Ulimwengu ku munota wa 65 ku mupira yari aherejwe neza na Michael Sarpong , acomoka muri ba myugariro Marines FC , acenga umunyezamu wari usohotse.
Ni inshuro ya 3 aya makipe ahuye muri iyi ’Saison’. Inshuro zose Rayon Sports niyo yatsinze iyi mikino.
Umukino wo kwishyura hagati y’amakipe yombi uteganyijwe tariki 16 Kamena 2019 kuri Stade ya Kicukiro.
Akurikira ni amafoto utabonye yaranze uyu mukino:
Kubona itike byari ingorabahizi
11 Marines FC yabanje mu kibuga
11 Rayon Sports yabanje mu kibuga
Yves Rwasamanzi utoza Marines FC
Djbel asoohoka mu kibuga nyuma yo guhabwa ikarita itukura
Habuze gato ngo na Hussein Habimana ahabwe ikarita itukura nyuma yo gushwana n’umusifuzi abakinnyi ba Rayon Sports bashinjaga gusifura nabi
Abafana ba Gikundiro Forever bari bayiherekeje i Rubavu
Uko igitego cya Rayon Sports cyinjiye mu izamu
Ulimwengu Jules na Mugheni Fabrice wakinnye neza cyane uyu mukino bishimira igitego
Abafana ba Marines FC bari bizeye gutsinda Rayon Sports yari isigaranye abakinnyi 10 mu kibuga, bifashe impungenge nyuma yo kubona ahubwo ariyo ibatsinze
Ku rundi ruhande, abafana ba Rayon Sports bishimiraga igitego
Wagner niwe uri gutoza ikipe ya Rayon Sports mu gihe Robertinho ari mu kiruhuko muri Brasil
Faustin Usengimana uri mu Rwanda mu kiruhuko yarebye uyu mukino w’ikipe yahozemo ari kumwe n’umukunzi we Daniella
Abafana banyuranye ba Rayon Sports bari bitabiriye uyu mukino
PHOTO: UMURERWA Delphin & RENZAHO Christophe
VIDEO: RENZAHO Christophe
######
ese rubertion azagaruka cyagw nuwuhe mutoz bashaka
######
byar byiza gusa ubworoherane nibwiza