Rayon Sports yanganyije umukino wa gishuti na Police FC 0-0 mu mukino wo gukomeza kwitegura Shampiyona ya 2020/2021 iteganyijwe gutangira tariki 4 Ukuboza 2020.
Ni umukino wabaye kuri uyu wa Gatanu tariki 27 Ugushyingo 2020 kuri Stade ya Bugesera.
Rayon Sports yakinaga umukino wa Gatatu wa gishuti nyuma y’uwo yatsinzemo Alpha 1-0 usozwa ku munota wa 70. Tariki 25 Ugushyingo 2020, Rayon Sports yari yanganyije na Bugesera FC 2-2.
Umukino wo kuri uyu wa Gatanu, Rayon Sports yari yakoze impinduka ugereranyije n’umukino iheruka gukina na Bugesera FC. Bashunga Abouba wari wabanje mu izamu yari yahaye umwanya Kwizera Olivier, Habimana Hussein bita Eto aha umwanya Rugwiro Herve wari wabanje hanze mu mukino uheruka.
Amakipe yombi yahuriye muri uyu mukino nyuma y’uko anganyije mu mikino iheruka yakinnye. Uretse Rayon Sports yanganyije na Bugesera FC, Police FC nayo yari yanganyirije 1-1 ku Bworoherane na Musanze FC.
Uyu mukino warimo ishyaka ryinshi ku mpande zombi, waranze n’amakarita y’umutuku 3.
Niyibizi Emmanuel ukina nka myugariro w’i bumoso wa Rayon Sports wari wanigaragaje muri uyu mukino niwe wabonye ikarita y’umutuku ya mbere ku munota wa 70 nyuma yo kubona ikarita ya kabiri y’umuhondo. Ku munota wa 76, Usengimana Faustin yabonye ikarita itukura na we nyuma yo kubona ikarita ya kabiri y’umuhondo. Ku munota wa 78, Twizerimana Martin Fabrice yabonye ikarita y’umutuku nyuma y’ikosa rikomeye yakoreye Mujyanama Fidele.
Aya makipe agomba gukina undi mukino umwe wa gishuti kuri buri ruhande mbere y’uko Shampiyona itangira.
Biteganyijwe ko ku cyumweru tariki 28 Ugushyingo 2020 Rayon Sports izasura AS Muhanga naho Police FC yo yakira Musanze FC mu mukino wa gishuti wo kwishyura.
11 Rayon Sports yabanje mu kibuga
11 Police yabanje mu kibuga
Niyibizi Emmanuel wigaragaje muri uyu mukino
Kwizera Olivier niwe warinze izamu rya Rayon Sports
Perezida wa Rayon Sports, Uwayezu Jean Fidele yarebye uyu mukino
Umubitsi wa Rayon Sports, Ndahiro Olivier
Visi Perezida wa Kabiri wa Rayon Sports, Ngoga Roger Aimable
Abayobozi muri Polisi barebye uyu mukino
Buri ruhande rwashakaga intsinzi nyuma y’uko bose banganyije imikino iheruka bakinnye
Rutanga yahuraga na Rayon Sports aherukamo
Radu na we yakinaga bwa mbere na Rayon Sports aherukamo
Hagati mu kibuga niho umukino wakiniwe
Niyibizi Emmanuel yabonye amakarita abiri y’umuhondo, ahabwa umutuku ku munota wa 70
Faustin Usengimana na we yahawe umutuku ku munota wa 76
Ku munota wa 78, Martin na we yahawe umutuku kubera gukandagira Mujyanama
Abatoza bombi baha amabwiriza abakinnyi
Gilbert Mugisha ukirutse imvune na Sunday Jimoh bishyushya
Drissa Dagnogo ahanganye na Aimable....bose binjiye basimbuye
