Impuzamashyirahamwe y’Umupira w’Amaguru muri Afurika (CAF) yemeje ko Igikombe cya Afurika (CAN) cyagombaga kuba mu 2023, cyimuriwe mu ntangiriro za 2024 kubera ibihe by’imvura muri Côte d’Ivoire.
Iri rushanwa rigiye kuba ku nshuro ya 34, ryagombaga kuba hagati ya Kamena na Nyakanga aho ryahawe Côte d’Ivoire mu mwanya wa Cameroun yakiriye irya 2021 mu ntangiriro z’uyu mwaka.
Gusa, hakozwe impinduka ku gihe iki Gikombe cya Afurika gitaha cyari kubera kubera ibihe by’imvura, bituma irushanwa rizaba mu ntangiriro za 2024, hagati ya Mutarama na Gashyantare.
Si ubwa mbere CAF ihinduye igihe Igikombe cya Afurika cyari kubera kuko icyari kuba mu 2021 cyakinwe mu 2022 kubera icyorezo cya COVID-19.
Senegal ya Sadio Mane yegukanye CAN 2021 iheruka kubera muri Cameroun
