APR FC na Mukura VS zihagarariye u Rwanda mu marushanwa nyafurika zamaze kumenya amakipe zizahura nayo mu majonjora y’ibanze.
Ibijyanye n’uko tombola yagenze byagiye hanze ku gicamunsi cyo kuri uyu wa Gatanu tariki 9 Ugushyingo 2018. Ishyirahamwe ry’umupira w’amaguru muri Afurika, CAF niryo ryashyize hanze uko iyi tombola yagenze.
APR FC izahagararira u Rwanda muri TOTAL CAF Confederation Cup izahura na Club Africain yo muri Tunisia naho Mukura VS izahagararira u Rwanda muri Total CAF Confederation Cup yo ikazahura na Free States Stars yo muri Afurika y’Epfo.
Imikino y’aya majonjora ya CAF itaganyijwe hagati ya tariki 27 na 28 Ugushyingo naho iyo kwishyura ikazakinwa hagati ya tariki 4 na 5 Ukuboza 2018. APR FC niyo izabanza kwakira Club Africain i Kigali. Izakomeza hagati ya APR FC na Club Africain izahura nizava hagati ya Al Hilal yo muri Sudani na JKU yo muri Zanzibar.
Mukura VS yo izabanza gusura Free State Stars muri Afurika y’Epfo, naho umukino wo kwishyura ukinirwe i Huye.
Ikipe izarokoka hagati ya Mukura VS na Free State Stars izahura na Al Hilal Obeid yo muri Sudan kuko yo iri mu makipe atazakina iri jonjora ry’ibanze.
APR FC na Club Africain zaherukaga guhura muri 2011 muri CAF Champions League. Tariki 29 Mutarama 2011 APR FC yanganyije na Club Africain 2-2 i Kigali , umukino wo kwishyura uba tariki 04 Werurwe 2011 Club Africain itsinda APR FC 4-0 .
APR FC ihagarariye u Rwanda muri Total CAF Champions League yatwaye igikombe cya Shampiyona ifite amanota 66. Yatsinze imikino 19, inganga 9 itsindwa 2. Yatsinze ibitego 51 , itsindwa 15 mu mikino 30.
Mukura VS yo ihagarariye u Rwanda kuko yegukanye igikombe cy’Amahoro 2018 itsinze Rayon Sports Penaliti 3-1.
Habimana
Birababaje kabisa. Ndi umufana wa rayon sport. Gusa mbabajwe ni uko amakipe yo mu Rwanda (APR na Mukura? Zizahita zivamo. Zatomboye ikipe zikomeye.
martin
aho niho turebera abatoza,kuko hano hakora umutoza ntihakora abakinnyi twarabibonye kuri rayonsport ,byayisabye kwirukana Karekezi na minaret kugirango tubashe kugera 1/4 ahasigaye namwe AMAHIRWE MASA
Chelsea
Reka reka amakipe yacu arakomeye azarenga aho rayon yaviriyemo.
ahahaha
APR oyeeee.
Ubuyobozi bwiza bw’igikona oyeeee
Prof w’umutoza oyeee.
IBiKONA oyeeee.
Club Africain n’ubwo nyifana izarya iz’akabwana maze IGIKONA kigere kure hashoboka
Niyigena
Nibyo kwishira nk’ abaturage ba Huye kuba Mukura ibazaniye abasitari no muri Afurika y’ epfo bakabibonera imbonankubone mu majyepfo y’ uRwanda.
Many
APR ni equipe nziza kdi ifite abana bakiri bato bazaba barakuze Mba mbona izagera kure kuko irakomeye pe.!!!!
######
Bazayica