Umukinnyi ukomoka muri Nigeria nukomoka muri Cameroun ni bamwe mu bari mu igeragezwa mu ikipe ya Rayon Sports.
Bose bari mu myitozo yo kuri uyu w amber etariki 15 Mutarama 2018 mu Nzove aho Rayon Sports isanzwe ikorera imyitozo.
Uwitwa Yussuf ukomoka muri Nigeria yatangarije Rwandamagazine.com ko aturutse mu ikipe ya Mufulira Wanderers yo muri Zambia. Akina mu kibuga hagati. Christ Bondi ukomoka muri Cameroun ukina nka rutahizamu .
Christ Mbondi yavutse tariki 2 Gashyantare 1992. Muri 2010 yavuye mu ikpe ya FC Bamenda yo muri Cameroun yerekeza muri FC Sion y’abatarengeje imyaka 21 yo mu Busuwisi. Muri 2013 yerekeje muri Bangkok Glass yo muri Thailand nk’intizanyo. Muri uwo mwaka nanone yavuye Bangkok Glass muri Khon Kaen FC nayo yo muri Thailand. Uwo mwaka wa 2013 yasubiye muri Bangkok Glass ari nawo mwaka kuba intizanyo byarangiye asubira muri FC Sion y’abatarengeje imyaka 21. Yayivuyemo yerekeza muri Grassland FC yo muri Cameroun.
Muri 2015 yerekeje muri JS Saoura. Muri 2016 ubwo atari agifite ikipe nibwo yerekeje muri Capiatá yo muri Paraguay. Muri 2017 yavuye muri Capiatá yerekeza muri Olimpia de Itá nayo yo muri Paraguay.
Christ ukomoka muri Cameroun
Yussuf ukomoka muri Nigeria
