Ubushinwa bufite imbunda irasa muri 200 KM mu masegonda 90

Muri 2025 Ubushinwa bushobora kuzaba aribwo bufite igisirikare cyo mu mazi gihambaye ku isi nyuma yo gutunga Imbunda zikoreshwa n’amashanyarazi bita ‘railgun’ mu Cyongereza. Ni amakuru umwe mu batasi ba Amerika yatangarije televiziyo ya CNBC.

Uburusiya, Amerika na Iran ni ibihugu bimaze igihe bitunze imbunda zikoresha amashanyarazi. Ni imbunda ziramba kandi zigira igipimo cyo ku rwego rwo hejuru ku muvuduko udasanzwe.

Urugero imbunda Abashinwa bafite ngo ifite ubushobozi bwo kurasa ikintu kiri muri Kilometero 200 mu masegonda 90 gusa.

Ikinyamakuru Slate , mu nkuru cyahaye umutwe ugira uti " En 2025, la Chine aura la plus puissante arme navale du monde’ cyatangaje ko buri mbunda imwe muzo Ubushinwa butunze iri hagati y’ama Euro 21.000 na 43.000 ( ni hagati ya 21.016.483 FRW na 43.023.792 FRW).

Uko imbunda zikoreshwa n’amashanyarazi zikora

Imbunda zikoreshwa n’ashanyarazi, intwaro z’ahazaza ?

Imbunda zikoreshwa n’amashanyarazi zikoresha ingufu za rukuruzi (électromagnétique) mu mwanya wo gukoresha Puderi (Poudre/ Pouder) kugira ngo zisohore amasasu.

Igisirikare cyo mu mazi cya Amerika cyatangiye gukora mwene izo ntwaro kuva muri 2005 ariko ngo byasabye imyaka ngo zitangire gukoreshwa.

Uwahaye amakuru ibyerekeye intwaro z’Ubushinwa yatangarije CNBC ko Ubushinwa nabwo bwatangiye kugerageza mwene izo ntwaro ku bwato bwabwo.

Amakuru avuga ko muri 2011 aribwo Ubushinwa bwatangiye gukora intwaro zikoreshwa n’amashanyarazi. Amagerageza ya mbere (premiers tests) yakozwe muri 2014. Hagati ya 2015 na 2017 izo ntwaro zongerewe ubushobozi bwo kurasa kure cyane. Mu kwezi k’Ukuboza 2017 zashyizwe ku mato y’intambara zigeragerezwa mu Nyanja.

Admiral Harry Harris ukuriye ingabo zo mu mazi mu Nyanja ya Pasifika , muri Gashyantare 2018 yabwiye Congress ya Amerika ko imbunda kabuhariwe n’Ubushinwa zimaze gusiga cyane izabo, bo bakaba bari gusigara inyuma cyane. Yabasabye ko Amerika nayo yashaka uko yakwiga uko hakorwa intwaro zishobora guhangana n’izo z’ubushinwa ariko kandi bakanazirikana ku ikorwa ry’izindi zabo zihariye zihambaye cyane.

IZINDI NKURU
Ibitekerezo(1)
  • tyga

    nibahagarike kuko ibibyazakurura intambara ya3yisi

    - 11/11/2018 - 06:15
Tanga Igitekerezo