Abaganga muri Zimbabwe barasubiye ku kazi nyuma y’iminsi 40 bari bamaze baragahagaritse basaba umushahara mwiza hamwe no gukora mu bihe byiza.
Leta ivuga ko uko guhagarika akazi bitari ngombwa kuko abarwayi benshi bapfuye bazira uko guhagarika akazi. Ariko abarwayi hamwe n’abandi bakozi muri Minisiteri y’Ubuzima banejejwe no kubona abaganga basubiye ku mirimo ejo ku wa kane.
Abaganga muri Zimbabwe batangiye guhagarika akazi tariki 1 Ukuboza 2018 , basaba ibikoresho byo kuvura bigezweho, imiti mu mavuriro hamwe no guhembwa imishahara mu madolari y’abanyamerika aho guhembwa mu mafaranga ya Zimbabwe.
Ijwi rya Amerika ritangaza ko abaganga mu kurangiza ihagarika ry’akazi batangaje ko perezida Emmerson Mnangagwa yashyize mu bikorwa ibyo bari basabye nko guha ibitaro ibikoresho n’imiti ariko ko ngo hagisigaye guhembwa mu madolari y’abanyamerika.
